Аҧсны Аҳәынҭқарра Амилаҭтә банк Ахантәаҩы Бараҭелиа Беслан аҩаша ажьырныҳәамза 16 рзы Sputnik Аҧсны акорреспондент даниҿцәажәоз иҳәеит 2018 шықәса жәабрамза 1 инаркны аҟны Аҧсны Аҵәахырҭатә банк ауаҩытәыҩсатә хаҿқәа рзы ишхацнаркыз “Ахархәаратә” захьӡу акредиттә аалыҵ ҿыц.
Ауалафахәтәи атәанчахәтәи кредит иаҿырҧшны иаҳҳәозар, Аҧсны Аҵәахырҭатә банк аҟнытә акредиттәразы апрограмма ҿыц “Ахархәаратә” иалахәхар рылшоит ареспублика атәылауаа зегьы.