Аҧсны Абанк афункциақәа
Аҧсны Абанк инанагӡоит анаҩсантәи афунқциақәа:
- Аҧсны Аҳәынҭқарра Аиҳабыра аҽрымаданы ахатә зинмчқәа аҳәаақәа рыҽҭагӡаны аус аднаулоит, имҩаҧнагоит иаку аҳәынҭқарратә аҧара-кредиттә политика;
- иҟоу аҧарақәа аемиссиа рзыҟанаҵоит, урҭ реикәыршара еиҿнакаауеит;
- акредиттә инстанциақәа рзы аҵыхәтәантәи аинстанциа акредиторс иҟоуп, еиҿнакаауеит афинансркра асистема;
- Аҧсны Аҳәынҭқарраҟны аҳасабкрақәа рынагӡашьа аҧҟарақәа шьақәнаргылоит;
- абанктә системазы абанктә операциақәеи, аҳасабеилыргаратә ҳасаббареи, аҳасабрбареи рынагӡашьа аҧҟарақәа шьақәнаргылоит;
- акредиттә еиҿкаарақәа рҳәынҭқарратә ҭаҩра нанагӡоит;
- акредиттә еиҿкаарақәеи аудит знапы алаку аиҿкаарақәеи алицензиақәа рнаҭоит;
- акредиттә еиҿкаарақәа русура иахылаҧшуеит, аконтроль рзыҟанаҵоит;
- азакәанқәа инарықәыршәаны, акредиттә еиҿкаарақәа рыҟны хәызмоу ақьаадқәа ремиссиа ҭанаҩуеит;
- ахала, мамзаргьы Аҧсны Аҳәынҭқарра Аиҳабыра адгыларала инанагӡоит Аҧсны Абанк иахәҭоу аусӡбатә хадақәа рынагӡаразы абанктә операциахкқәа зегьы;
- инанагӡоит авалиутатә ҭышәныртәалара, аҳәаанырцәтәи авалиута аахәареи аҭиреи ирызку аоперациақәа убрахь иналаҵаны; иҳәаақәнаҵоит аҳәаанырцәтәи аҳәынҭқаррақәа рыҟны аҳасабкрақәа рынагӡара аҧҟарақәа;
- еиҿнакаауеит, инанагӡоит авалиутатә контроль Аҧсны Аҳәынҭкарра азакәанҧҵара инақәыршәаны; еиҿнакаауеит, инанагӡоит ацәгьауаҩратә хашәалахәқәа раргаматәреи (рҿыӡәӡәаареи) атерроризм афинансркреи раҧырҟәҟәаареи рзы аусмҩаҧгатәқәа;
- аҽаланархәуеит Аҧсны Аҳәынҭқарра ахәшәаратә баланс апрогноз аус адулараҿы, еиҿнакаауеит Аҧсны Аҳәынҭкарра ахәшәаратә баланс аиқәыршәара;
- Аҧсны Аҳәынҭқарра аекономика аҭагылазаашьазы имҩаҧнагоит анализи апрогнозҟаҵареи, зегь раҧхьаӡагьы, аҧара-кредиттәи авалиута-финанстәи аусхкқәа рыҟны, иакьыҧхьуеит урҭ ирышьашәалоу аматериалқәеи астатикатә дырраҭарақәеи;
- инанагӡоит егьырҭ афунқциақәагьы Аҧсны Аҳәынҭкарра азакәанқәа инрықәыршәаны.