"1992-1993шш.рызтәи Аҧсныжәлар Рџьынџьтәылатә еибашьра " асериала иҭыжьу «Арӡынба В.Г.» захьӡу, 10 ҧсарк ицо араӡынтәы монета

Ахаҿратә ган:

хыхь зыӡбахә ҳәоу амонетақәа зегьы рхаҿратә ганқәа агәҭа ахәҭа аҩнуҵҟатәи агьежь аҿы аеҵәатә қәыҧшылараҟны 1992-1993шш. рызтәи Аҧсны жәлар Рџьынџьтәылатә еибашьраҟны Аиааира 20 шықәса ахыҵра аофициалтә символ асахьа гәылганы иануп. Адәахьтәи ахаргьежь хыхьтәи ахәҭаҟны иануп аҧараҧҟарҭа афирматә дыргеи ахьӡынҵеи, 50 ҧсар ҳәа амонета ахаҿратә хәыҧса, аҭыжьра ашықәс, иара убас ахимиатә елементқәа Д.И. Менделеев Ипериодикатә система аҟнытә аметалл адыргеи аиларҭәа ахки. Арҕьарахь иануп Аҧсны Абанк агерби амонета ахатә номери, амонета ҵаҟатәи ахәҭаҿы исаркьарку ақәыҧшылараҟны иануп аҧсышәала аҩыра «Аҧсны Абанк» ҳәа. Аҿыкәырша инаваҵаны игәылгоу акәаҧқәа ықәыргылоуп.

Ашьҭахьтәи аган:

амонета «Арӡынба В.Г.» ашьҭахьтәи аган аҩнуҵҟатәи ахаргьежь аҿы иануп Арӡынба В.Г. ипрофилтә патреҭ –1992-1993шш. рызтәи Аҧсныжәлар Рџьынџьтәылатә еибашьраан Аҧсны Аҳәынҭқарра Арбџьар мчқәа Ркомандаҟаҵаҩ, Аҧсны Аҳәынҭқарра Раҧхьатәи Ахада. Адәахьтәи ахаргьежь аҟны иануп аеҵәақәа рыла иеидыгоу аҧсышәала аҩырақәа: хыхьтәи ахәҭаҿы – аҩыра “Аҧсны Аҳәынҭқарра”, ҵаҟатәи ахәҭаҿы – аҩыра “Аиааира”, арыцхәқәа “1993”, “2013”. Ахаргьежь ала аҿыкәырша инаваҵаны игәылгоу акәаҧқәа ықәыргылоуп.

Амонета ахаҿратәи ашьҭахьтәи аганқәа рҟны иаҧыҳәҳәо аҿыкәырша амоуп.

Амонета аганахьтәи ахәҭа ақәыҧшылара ҭаҧыҟҟоуп.

Амонета ҟаҵоуп “ҧруф-лаиқ” ахаҭашьарала.

Асахьаҭыхҩы Џьапуа Б.Р.

Аҭыжьра – Гознак Москватәи амонетатә шҭа (РФ)