Лаҵарамза 14 рзы Аҟәа имҩаҧысит Аҧсны Абанк Амузеи аартра иазкыз аофициалтә церемониа. Ари аусмҩаҧгатә иалахәын Аҧсны Аҳәынҭқарра Ахада Аслан Бжьаниа, Аҧсны Жәлар Реизара – Апарламент Аиҳабы Валери Кәарҷиа, Аҧсны Аҳәынҭқарраҟны иҟоу Урыстәылатәи Афедерациа Ацҳаражәҳәаҩ Алексеи Двиниаин, иара убас Урыстәыла Абанк Жәларбжьаратәи аусеицура адепартамент Андреи Липин.
Аҧсны Абанк Амузеи аҟны ицәыргоуп 2500 шықәса зхыҵуа ҳтәыла аҧара аикәшара аҭоурых зныҧшуа 500 инарзынаҧшуа аекспонатқәа. Амузеи азал хада шоит: антикатә, абжьарашәышықәсазтә, урыстәылатә, ареволюциатә (1917-1922 шш.), асоветтә, ҳазҭагылоу аамҭақәа ирыҵаркуа асекторқәа рыла.
Аҧсны Абанк Амузеи аартуп иаҭаарц зҭаху зегьы рзы.
Амузеи аус ауеит аусурамшқәа раан, ашәахьа ада, 11:00 инаркны 18:00 сааҭ рҟынӡа, асабшеи амҽышеи 11:00 инаркны 17:00 сааҭ рҟынӡа. Аԥсшьара аамҭа 14:00 саат инаркны 15:00 сааҭ рҟынӡа.