Новости

Аҧсны Абанк аҟнытә Нестор Лакоба ихьӡ зху амузеи агәаларшәагатә монета ҳамҭас аҭара

07-02-2019 09:12

Агәаларшәагатә монета «Нестор Лакоба» ахархәарахь аҭыжьра инамаданы Аҧсны Аҳәынҭқарра Амилаҭтә банк аӡбамҭа аднакылеит амонета аекземплиар Аҳәынҭқарратә усбарҭа «Н.А. Лакоба ихьӡ зху Аҭоурых-мемориалтә музеи» ҳамҭас аҭаразы.

Агәаларшәагатә монета лнапы иаркын амузеи адиректор Малиа Лиудмила Владимир-иҧҳа.

Аҧсны Аҳәынҭқарра Амилаҭтә банк Нестор Лакоба ихьӡ зху Аҟәатәи ашьхарыуаа рышкол №10 ҳамҭас ианаҭеит иналукааша Аҧсны аҳәынҭқарратә усзуҩы имшира инақәыршәаны иҭыжьыз араӡны монета «Нестор Лакоба».