Лаҵара 06  2009 шықәсазы Аҧсны Абанк аҧареикәыршарахь иаланагалоит Ф.А. Искандер диижьҭеи 80 шықәса аҵра иазку, “Аҧсны иналукааша ауаа” асериала иҭыжьу, “Фазиль Искандер” захьӡу, 10 ҧсарк ицо араӡынтәы монета.

“Аҧсны иналукааша ауаа” асериала иҭыжьу “Фазиль Искандер” захьӡу 10 ҧсарк ицо араӡынтәы монета (хәызмоу аметалл акапанцқьа 31,1 г, аиларҭәа ахкы 925, акаталогтә № 0110010-002) ҭеиҭыҧшла игьежьуп, адиаметр 39,0 мм иҟоуп.
Амонета ахаҿратәи ашьҭахьтәи аганқәа рыла ихаргьежьны иаҧыҳәҳәо аҿыкәырша амоуп.

Амонета ахаҿратә ган хыхьтәи агәҭа ахәҭа асаркьатә қәыҧшылараҿы Аҧсны Аҳәынҭқарра агерб асахьа гәылганы иануп, уи аҵаҟа аҧсышәала иаҵаҩуп “Аҧсны Абанк”, агерб аханы ихаргьежьны 10 ҧсарк ҳәа амонета ахаҿратә хәыҧса ануп, аҿыкәырша иаваҵаны амонета армарахьтәи ахәҭаҿы иануп ахимиатә елементқәа Д.И. Менделеев Ипериодикатә система аҟнытә аметалл адырга, арҕьарахьтәи ахәҭаҿы – аиларҭәа ахкы, аҧараҧҟарҭа афирматә дырга. Амонета ҵаҟатәи ахәҭаҿы исаркьаркым ақәыҧшылареи “Аҧсны Абанк” ҳәа шрифт ссала хә-цәаҳәакны игәылгоу аҩырақәеи рҿы иарбоуп аҭыжьра ашықәс “2009”.

ахаҿратә ган  

Амонета ашьҭахьтәи аган аҟны иануп акомпозициа, уи “Фазиль Искандер” ҳәа хагәҵәы илашьҭу ақәҩырала еиҟараны еиҩшоуп. Арыҕьарахьтәи аган иануп Ф.А. Искандер ипрофиль, армарахь – ахра ҳаракырақәеи, амшын ҿықәи, аҵлеи ажьӡахәеи рҽеикәыршаны. Арыҕьарахь ала исаркьаркым ақәыҧшылараҿы ихаргьежьны – аҩыра “80 шықәса”.

ашьҭахьтәи аган

Амонета аганахьтәи ахәҭа ақәыҧшылара ҭаҧыҟҟоуп.                                       
Амонета ахаҭашьара “пруф-лаик”.
Асахьаҭыхҩы Џьапуа Б.Р.
Амонета атираж 1000 цыра.

Иҭрыжьуа амонета Аҧсны Аҳәынҭқарраҿы номиналтә хәыҧсала ахәшәара иазку хархәагоуп, урыстәылатәи амааҭқәа рыла аеквивалент ҕәҕәа амоуп, Урыстәылатәи Афедерациа аҧарала ҧсарк 10 мааҭк иаҧсоуп.
Хәызмоу аметаллқәа ирылху Аҧсны Абанк агәаларшәагатә монетақәа аиуристтә хаҿқәеи хазы игоу ауааи иаархәар рылшоит Аҧсны Аҳәынҭқарра акредиттә еиҿкаарақәа рҿы.