Аҧсны Абанк иаанацҳауеит «Аҧсны Аҳәынҭқарра (Аҧсны Абанк) Амилаҭтә банк азы» Аҧсны Аҳәынҭқарра азакәан ахәҭаҷ 75 инақәыршәаны, акредиттә еиҿкаара афинанстә ҭышәынтәалареи атәылауаа рыҵәахымҭақәа рыхьчареи ралыршаразы, афинанстә зҩыдатәра апрограмма азырхиареи анагӡареи рзы аусура арццакразы, Аҧсны Абанк адҵала 2017 шықәса абҵара 13 инаркны Аҧсны Аҵәахырҭатә банк напхгараҭаразы Аамҭалатәи анапхгара шаҭоу.
Аамҭалатәи анапхгара анапхгаҩыс даҭоуп Аҧсны Абанк Аиурисконсульт хада Салиа Давид Важа-иҧа. Аамҭалатәи анапхгара аилазаараҟны иҟоуп Аҧсны Аҵәахырҭатә банк аусура азҵаарақәа ирхылаҧшуа Аҧсны Абанк амаҵзурауаа 5 (хәҩык).
Аҧсны Аҵәахырҭатә банк хазхаҭалатәи анагӡаратә усбарҭаҟны Бганба Т.С. изинмчқәа 13.11.2017ш. инаркны иҧкуп, 13.12.2017ш. инаркны зынӡа иаанкылоуп.
Аамҭалатәи анапхгара аусура нанагӡоит Аҧсны Абанк ахылаҧшрала, Аҧсны Аҵәахырҭатә банк Анаҧшратә хеилак иааигәаӡаны аусацурала.
Аамҭалатәи анапхгара алагалоуп 2018 ш. лаҵарамза 13-нӡа.