Амилаҭтә шәатәтәы система (АҧРА) аҟны 2023 шықәсазы аоперациақәа рымҽхак жәымз рыла иартәеит 26,3 млрд. мааҭ. ▼
07-11-2023 11:03
2023 шықәсазы Аҧсны Аҳәынҭқарра адгьылҵакыраҟны жәымз рыҩныҵҟала абанктә картақәа зку иҟарҵаз атранзакциақәа рзеиҧш мҽхакы иартәеит 26,3 млрд мааҭ. 2022 шықәсазы абри аамҭахҵәаха иаҿырҧшны аоперациақәа рзеиҧш мҽхакы иазҳаит 16% (3,6 млрд) рыла. Инагӡоу атранзакциақәа реилазаараҟны «АҧРА» акартақәа рыхәҭаа иартәеит 38,4%, ашәатәы система «Мир» акартақәа - 33,5%, жәларбжьаратәи ашәатәы система – 28,1%.
