Новости
Агәаларшәагатә монетақәа «Аҧсуа шәҩыуааи» «Нестор Лакобеи» аикәшарахь иҭыжьуп
Аҧсны Аҳәынҭқарра Амилаҭтә банк ирыланаҳәоит агәаларшәагатә монетақәа
«Аҧсуа шәҩыуааи» «Нестор Лакобеи» аикәшарахь ишҭыжьу атәы.
1. Агәаларшәагатә монета «Аҧсуаа ашәҩык» Актәи Адунеитә еибашьра ахыркәшара шәышықәса ахыҵреи Кавказтәи адивизиа («Дикая») Ачерқьес полк иалахәыз Аҧсны аибашьцәа «Аҧсуаа ашәҩыки» ирызкуп.
Агәаларшәагатә монета ҟаҵоуп 925-тәи араӡынцқьа иалхны, амонета адиаметр 60 мм ыҟоуп, акапан 155,5 гр., ахаҭабзиара пруф-лаик ала инагӡоуп, 100 аҧсарк ицоит. Амонетақәа ргантә қәыҧшылара ҭырҷҷоуп. “Аҧсны иналуакааша ауаа” асериа иаҵанакӡом.
Акаталогтә номер 010010100-003. Атираж – 100 цырак.
Асахьаҭыхҩы: Џьапуа Баҭал Рушьни-иҧа
Амонета ахҳәаа
 Аверс. Амонета аверс (аҧхьатәи аган) аҟны ачерқьес маҭәа зшәу аибашьҩы ихәамц ануп, ари иаарҧшуп Аиергь иабџьар - аҳәа ахәы (Афырхаҵара иазку Аиергь иабџьар), аҧштәы змоу атампомҳәыр ала инагӡоу ацқьа аҳ ду Владимир 4-тәи аҩаӡара змоу иорден адырга,аҟамеи абанти ацны. Ари аорден даара ҳаҭыр змаз ҳамҭан, ҵакыла ац. ааӡаб Аиергь 4-тәи аҩаӡара змоу иорден иашьҭанеиуан. Хыхь зыӡбахә ҳәоу аҳамҭақәа аҧсуа хылҵшьҭра змоу аофицерцәа аӡәырҩы иранашьоуп Актәи адунеитә еибашьраан иаадырҧшыз афырхаҵаразы. |
 Реверс. Ашьҭахьтәи аган аҟны аҧхьатәи аплан аҿы заҳәа ҭыхны изку аҽыуаҩ исахьа ануп, аҩбатәи аплан аҿы иубоит Кавказ аибашьцәа рфырхаҵара символра азызуа зымҵәыжәҩақәа еиҵыху ашьхауарба ианубаало жәылара ицо акавалериа. Акомпозициа ханарҭәаауеит урыстәылатәи ар рфырхаҵара символс иамоу аҧштәы змоу Аиергь лента. |
2. Агәаларшәагатә монета «Нестор Лакоба» ҟаҵоуп 925-тәи араӡынцқьа иалхны, амонета адиаметр 39 мм ыҟоуп, акапан 34 гр., ахаҭабзиара пруф-лаик ала инагӡоуп, 10 аҧсарк ицоит. Амонетақәа ргантә қәыҧшылара ҭырҷҷоуп. “Аҧсны иналуакааша ауаа” асериа иаҵанакуеит.
Акаталогтә номер 0110010-011. Атираж – 100 цырак.
Асахьаҭыхҩы:Џьапуа Баҭал Рушьни-иҧа.
Амонета ахҳәаа
 Аверс. Хыхьтәи агәҭа ахәҭа асаркьатә қәыҧшылараҿы Аҧсны Аҳәынҭқарра аҳәынҭқарратә герб асахьа гәылганы иануп, уи аҵаҟа аҧсышәала иаҵаҩуп «Аҧсны Абанк», агерб аханы ихаргьежьны 10 ҧсарк ҳәа амонета ахаҿратә хәыҧса ануп, арҕьарахьтәи ахәҭаҿы – афирматә дыргеи аҧараҧҟарҭа ахьӡынҵеи. Амонета ҵаҟатәи ахәҭаҿы исаркьатәым ақәыҧшылараҟны иарбоуп аҧараҧҟара ашықәс «2018». |
 Реверс (ашьҭахьтәи аган) аҟны - згәышҧы Абираҟ ҟаҧшь аорден кыду, арратә френч зшәу, ахылҧарч зхоу иеицырдыруа Аҧсны аҳәынҭқарратә усзуҩы Нестор Лакоба ипортрет, ашьҭахьтәи аплан аҟнытә иааҧшуеит атампомҳәыр ала инагӡоу Аҧсны ССР аҳәынҭқарратә бираҟи аҧсуа Кьараз аруааи. |
Аҧсны Абанк хәызмоу аметаллқәа ирылху агәаларшәагатә монетақәа аиуристтә хаҿқәеи ауаҩытәҩсатә хаҿқәеи раархәара ҟалоит Аҧсны Аҳәынҭқарра акредиттә еиҿкаарақәа рыла.