Ихыркәшоуп амилаҭтә шәатәтәы система АҦРА, иара убас аҧараиагара система CONTACT рыларҵәара иазку аусура. Абри аусура иабзоураны абанктә карта АҦРА жәларбжьаратәи акаҭа CONTACT ала ахарҭәаара алзыршо амаҵзура аусура иалагеит.
Акарта АҦРА ахархәаҩцәа рзы аусура иалагеит «Онлаин ҧара аиагара CONTACT» амаҵзура ала жәларбжьаратәи акартақәа рыҟнытә Аҧра картақәа рахь аҧара аиагаразы амаҵзура (азхьарҧш: https://online.contact-sys.com). Аҧараиагара мҩаҧыслоит Урыстәылатәи Афедерациа амааҭқәа рылеиҧш, атәымтәылатә валиутақәа рыла, убасҟан аҧара зышьҭуа икарта ҭзыжьыз ила аконвертациа азурала Аҧсны Аҳәынҭқарра амилаҭтә валиутала АҦРА акартахь ииаганы аҧкрақәа шьақәыргыламзар.
Акарта АҦРА асистема CONTACT ала ахарҭәааразы акомиссиа иартәоит иҭагалахо аицҵалыҵ аҟнытә 1%, акартахь аҧара ыиагахоит иаразнак.
Абри адагьы, изҭаху дарбанзаалак иаразнак икарта АҦРА еиҧш, ахҧатәи ахаҿы икартагьы ахарҭәаара илшоит CONTACT амаҵ ахьауа апунктқәа зегьы рыҟны Аҧсны, Урыстәыла, CONTACT аусура ахьалшо аҭыҧқәа зегьы рҿы.
Аҧара аиагаразы иаҭахуп абанктә карта ахаҿратә ган аҟны иану аномер, ахьӡ/ажәла/абхьӡы анҵара.
Ари амаҵзура аҧараиагара ишиашоу акартахь ашьҭра ахьалнаршо иабзоураны, акарта АҦРА ахархәаҩцәа аҧара роура апроцесс армариоит.
CONTACT – адунеи зегьы аҟны аҧара аиагара алзыршо урыстәылатәи шәатәтәы системоуп. CONTACT аус ацызуа рхыҧхьаӡараҟны иҟоуп 1000 инареиҳаны финанстә институт. Жәларбжьаратәи акаҭа CONTACT иаҵанакуеит 180 тәыла инареиҳаны рыҟны аус зуа 500 нызқь инархысуа амаҵзура пунктқәа – абанктә ҟәшақәа, ашәатәтәы терминалқәа, абанктә шәатәтәы агентқәа.