Новости
Агәалашәаратә монета «Зураб Ачба»
19-08-2021 17:06
Аҧсны Аҳәынҭқарра Амилаҭтә банк алаҳәара ҟанаҵоит агәалашәаратә монета «Зураб Ачба» аикәшараҟны ахархәаразы ишҭыҵыз азы.
Иналукааша Аԥсны ауаажәларратә, аполитикатә усзуҩы Зураб Ачба диижьҭеи 70 шықәса аҵра иазку амонета.
Агәалашәаратә монета «Зураб Ачба» 925-тәи ацқьара змоу, здиаметр 39 мм, зыкапан 34 гр. иҟоу, ахаҭабзиара пруф-лаик (зхаҭабзиара ҳараку атехнологиала ичаҧоу) ала инагӡоуп, 10 аҧсар ицоит. Амонетақәа рган ҭырҷҷаауп. Каталогтә номерс иамоуп 0110010-016. Атираж – 100 ц. ыҟоуп. Асахьаҭыхҩы: Џьапуа Б.Р.
Аверс
 |
Арымарахьтәи хыххьтәи ахәҭаҟны саркьаҵас ицәу аҟьаҟьараҟны амонета шаҟа ицо «10 ԥсарк» ҳәа аҧсышәала иануп, арымарахьтәи аладатәи ахәҭаҟны Аҧсны аҳәынҭқарратә герб арелиефтә сахьа. Ихыргьежьааны аҧсышәала «Аԥсны Абанк» ҳәа аҩыра ануп, ҵаҟа амонета анычаҧаз аашықәс – 2021/
|
Ареверс
 |
Зураб Ачба ипортрет аганԥшыларала. Арыӷьарахь ала – амикрофонқәа, арымарахь ала – иԥсҭазаара ашықәсқәеи Чачаа рҭаацәара иадыргоу адамыӷеи.
|
Хәзмоу аметаллқәа ирылху Аԥсны Абанк агәаларшәагатә монетақәа аиуристтә хаҿқәеи хазы игоу ауааи иаархәар рылшоит Аԥсны Аҳәынҭқарра акредиттә еиҿкаарақәа рҿы.